Uztailaren 18an, 1936ko estatu kolpearen 82. urteurrenean, egia, justizia eta erreparazioa eskatzeko elkarretaratzea eta omenaldia egingo dituzte Gasteizen EH Bildu, Ahal Dugu, Ezker Anitza eta Berdeak alderdiek. Bigarren urtea da ekitaldi horiek modu bateratuan antolatzen dituztena. Frankismoaren kontrako euskal plataformak ere bat egin du ekitaldi horiekin.
11:30ean, omenaldia zango da Agirre Lehendakariaren kalean inaguratu duten monolitoan. Arratsaldean, berriz, 20:00etan, Iragana gogoan, Araba berria eraiki lelopean, kontzentrazioa izango da katedral berriaren aurrean.
Antolatutako ekimen horien bidez gerra eta ondorengo diktadura frankistaren gainean egia argitu nahi dutela adierazi dute lau alderdiek. Lehen eta bigarren mailako biktimak sailkatuko ez dituen herri bat eraiki nahi dutela gaineratu dute, memoria izango duena. Justizia exijitzea, biktima guztientzako erreparazioa eta gertatutakoa ez errepikatzeko bermeak ere aldarrikatu dituzte. Diktadurak zapuztu zuen "jendarte justuagoa erakitziko nahia" bere egiten dute lau alderdiek.
