Politika

Gatazka konpontzeko ideiak elkarbanatu dituzte Udalbiltzak eta Nazio Garapenerako Biltzarrak

Euskal gatazka konpontzeko ideiak eta asmoak elkarbanatu dituzte Gatazkaren Konponbiderako Batzordeak eta Udalbiltzak, Bilbon egindako bilkuran. Orain bi urte, Udalbiltzak landutako Euskal Herriaren demokrazia eta bakeranzko bidean sintesia azaldu diote Gatazkaren Konponbiderako Batzordeari. Bilera osteko prentsaurrekoan “oso pozik” agertu ziren bi eragileak. “Lehenik gogoa bageneukan gatazka konpontzeko, bilera honen ondoren, gogo eta sinesmen hori sendotu egin da”, azaldu zuen Loren Arkotxa Udalbiltzako kideak.

2004ko urriaren 21a

17:38

Entzun 00:00:00 00:00:00

Uztailaren 3an egindako nazioarteko foroan, euskal gatazkari irtenbideak aurkitzeko, espreski, sorturiko batzordea da Gatazkaren Konponbiderako Batzordea. “Dagoeneko, Euskal Herrikoeragile sozial, sindikal eta politiko gehienekin bildu gara”, azaldu zuen Harritxu Santa Maria batzordeko kideak.

Joan den astean Juan Maria Atutxa Eusko Legebiltzarreko presidentearekin bildu ziren. Aurrerantzean, eragile instituzionalekin harremanetan jarri nahi dute, EAEko eta Nafarroako Arartekoekin, eta Eusko Jaurlaritzarekin, besteak beste.

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak