Joxe Mari Sagardui Gatza-ren omenez bihar Amorebietan (Bizkaia) egitekoa zen manifestazioa debekatu du Eusko Jaurlaritzako Herrizaingo Sailak. Elkarretaratzearen xedea Gatza omentzea zela-eta, ETAko preso ohi bat omentzeagatik, manifestazioa debekatzea erabaki dute.
Ez da aste honetan Herrizaingo Sailak galarazi duen lehenengo manifestazioa. Asteazkenean Bizi osorako kartzela zigorrik ez lelopean egitekoa zen elkarretaratzea debekatu zuten. Bigarrengoa bihar zen egitekoa, Amorebietako Herriko Plazatik hasita Biziarteko espetxe zigorraren aurkako ekitaldia goiburuarekin. Gaur galarazi duen ekimena aurreko bien jarraipena dela ebatzi du Herrizaingo Sailak.
Gatza asteazkenean askatu zuten, 31 urte kartzelan eman ondoren.
