Lanuztea

Gauerdiaz geroztik greban dira Araba, Bizkaia eta Gipuzkoako garabi enpresak

Aseguru etxeekin akordiorik lortu ez dutenez, Araba, Bizkaia eta Gipuzkoako garabi enpresak lanuztean dira bart gauerdiaz geroztik. Nafarroakoek, oraingoz, ez dute bat egin protestarekin. Hondatutako autoak garraiatzearen truke orain jasotzen dutena baino ordain handiagoa eskatzen dite garabi enpresek aseguru etxeei. Izan ere, garabi enpresen arabera, 49 euro ingurukoa da zerbitzu horietako bakoitzaren kostua, eta egun 23 euro ordaitzen diete aseguru etxeek. Arazoa konpontzen ez bada, joan den udan bezala errepide bazterrak hondatutako ibilgailuz betetzeko arriskua dago.

2005eko urtarrilaren 21a

10:51

Entzun 00:00:00 00:00:00

Izan ere, joan den udan hasi zen garabi enpresen eta aseguru etxeen arteko tirabira, hondatutako autoak jaso eta garraiatzeko kostuak zirela eta. Hilabete luze iraun zuen lanuzteak, baina, azkenean, akordioa lortu zuten alde biek.

Orain, ordea, udan hitzartutakoa "iruzurra" izan dela diote garabi enpresek;hots, aseguru etxeek ez dutela agindutakoa bete.

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak