Gaur berraztertuko dute 'Laffage auziko' epaia

IRUÑEA. Espainiako Auzitegi Gorenak gaur berraztertuko du Nagore Laffage gazte iruindarraren heriotzaren kasua. Jose Diego Yllanes iruindarrak hamabi urte eta sei hilabeteko espetxe zigorra du, zinpeko epaimahaiak homizidioa egotzi baitzion. Orain, Espainiako Auzitegi Gorenak Laffage Casasola sendiaren errekurtsoa onartu du, eta, hilketa leporatzen badio, hogei urtera igo daiteke zigorra. Bost epailek hartuko dute behin betiko erabakia.