Gaur hasi da, Donostian, Isabel Velezen ustezko hiltzailearen epaiketa. Velez 2010ko otsailearen 19an hil zuten, Lasarte-Orian (Gipuzkoa), labankadaz. 23 urteko semea atxilotu zuten, hilketa egotzita.
Fiskalak ospitale psikiatriko batean 25 urteko zigorra eskatu du harentzat, "ama hil arte jipoitu eta sastakatzeagatik". Gipuzkoako Auzitegian hasi dute epaiketa, ateak itxita. Defentsaren esanetan, gazteak "buruko arazoak" ditu.
