Ertzaintzak 26 urteko mutil bat atxilotu zuen atzo Donostiako autobus geltokian, emakume bati sexu ukituak egin zizkiola leporatuta. Gertakizuna Madrildik zetorren autobus batean jazo zen; mutilak ondoan zihoan emakumea behin baino gehiagotan ukitu zuen, Eusko Jaurlaritzako Herrizaingo Sailaren arabera.
Emakumeak Sos Deiak-era deitu zuen laguntza eske. Ertzaintza autobus geltokira joan zen eta gizona atxilotuta eraman zuen.
