Gazte Topagunea Elorrion egingo dute, apirilean, «independentistak» batzeko

BILBO. Duela hogei urteko Gazte Topaguneari keinu egingo dio Ernai gazte antolakundeak 2023an egingo duenaren kokalekuarekin. 2002an Elorrion (Bizkaia) antolatu zuten topagunea, eta han egingo du Ernaik 2023koa ere, apirilaren 6tik 9ra. «Gazte independentisten topalekua» izatea nahi du. Iraganera bainoago, gerora begirakoa izatea nahi du, etorkizuneko EuskalHerria «irudikatzeko».