Getariako (Gipuzkoa) Salbatore jaiak hasi zirenetik bost egun pasatu diren honetan, txosna batzordeak salatu du atzo gauean «eraso larri bat» gertatu zela: protesta eginen dute gaur berean, txosnagunean, 21:00etan; Getariako Udalak bat egin du deialdiarekin.
Emazte batek ezarri zuen salaketa, eta batzordeak segidan abiatu zuen eraso sexisten kontrako protokoloa.
Astelehenean hasi ziren bestak, eta igandera arte iraun behar zuten, baina, eraso salaketa dela eta, batzordeak egitaraua eten du, eta txosnagunea hetsi gaur gauerako. Halere, Getariako alkateak Guka hedabideari baieztatu dionez, besten egitarauak aitzina eginen du bihartik goiti.
