Gipuzkoan «atzera martxarik» ez dutela onartuko esan du Xabier Olanok

ZARAUTZ. Zerbitzu publikoen eta gizarte zerbitzuen aldeko defentsa gartsua egin du Xabier Olano EH Bilduko Gipuzkoarako ahaldungai nagusiak, eta esan du ez duela «eskuinak sartu nahi duen atzera martxarik» onartuko. Pertsonen duintasuna eta eskubideak lehen lerroan segituko dutela esan du, Gipuzkoako EH Bilduko zerrendaburuekin batera egindako agerraldian. Herritarren bozgorailu izan nahi duela adierazi du, ez haien nahien interpretatzaile. «Herritarrak ahaldundu» nahi dituzte martxan dagoen aldaketan protagonista nagusi izan daitezen.