Aurrezki Kutxak
Gizarteari "iruzur egitea" leporatu die EAJk PPri eta PSE-EEri
Aurrezki Kutxen bat-egitearen auzian gizarteari "iruzur" egin diote PPk eta PSE-EEk EAJren iritzian. EAJren bozeramaile Iñigo Urkulluk azaldu duenez, EAJren iritzian bi alderdi horien jarrerak BBKren, Kutxaren eta Vital Kutxaren zuzendarien "profesionaltasunari mespretxu" egiten die. BBK eta Kutxa elkartzearen alde azaldu da Urkullu, bi banku horietako zuzendariek hala nahi badute.
Bat-egitearen aurka azaltzearen atzean "arrazoi politikoak" daudela uste du EAJk. Baina, arrazoi politikoen barrenean "interes ekonomiko handiak" daudela azpimarratu du; "aurrezki kutxen pribatizazioa eta euren gizarte lanaren amaiera bultzatzen duten interesak". Azpimarratu duenez, EAJ Kutxen bat egitearen eta izaera "publiko eta soziala duten erakunde gisa" mantentzearen alde dago.
Iruzkinak
Ez dago iruzkinik
Ordenatu
