Igandean, Ertzaintzak 28 urteko gizonezko bat atxilotu zuen, emakume bati eraso egitea egotzita. Segurtasun Sailak zabaldu duenez, larunbat gauean gertatu zen erasoa, Barakaldon, Carrefour eta Dia merkataritza guneak elkartzen dituen biribilguneetatik gertu.
Salaketaren arabera, gizonezkoa emakumezko bat bortxatzen ahalegindu zen, eta, hark aurre egin zionez, pendiz batetik behera jaurti zuen. Ertzaintzak Trapagaranen atzeman zuen atzo gizona, eta datozen orduetan igaroko da epailearen aurretik.
