Ertzaintzak gizon bat atxilotu zuen atzo Durangon (Bizkaia) bere bikotekidearen heriotzarekin zerikusia izan dezakeelakoan. Emakumeak 31 urte zituen eta aurreko astean hil zen leihotik behera erorita. Hasieran bere buruaz beste egin zuela uste izan zen, baina zenbait lekukok adierazi dute gizona emakumea botatzen ikusi zutela.
Ertzaintzak "atxiloketa badaezpadakoa" dela esan zuen atzo gauean ohar batean, eta gertaera ikertzen ari dela jakinarazi du, hipotesirik baztertu gabe. Emakumea hil ondoren, gizonak suizidioa izan zela esan zion Ertzainari.
