Bi gizon atxilotu ditu Poliziak Bizkaian, 26 urteko bat Erandion, eta 33 urteko bertze bat Igorren, biak indarkeria matxista leporatuta. Ertzaintzak atxilotu du Erandiokoa, El Correo hedabideak adierazi duenez. Atzo goizean atxilotu zuten gizona, bikotekideari eraso egitea leporatuta. Iturri horrek berak erran duenez, 10:00 aldera, zauriak zituen neska bat kalera irten zen laguntza eske; Ertzaintza eta Erandioko Udaltzaingoa bertaratu ziren, eta gizona atxilotu zuten.
Eusko Jaurlaritzako Segurtasun Saileko iturriak aipatuta, hedabideak adierazi du emakumea osasun etxera eraman zutela zauriak sendatzera.
Europa Press berri agentziak eman du bertze atxiloketaren berri —Segurtasun Saileko iturriak aipatuta—, eta zehaztu gizonari sexu erasoa egitea egozten diotela. Atzo atxilotu zuten, eta epailearen esku uzteko zain daude. Ertzaintza bi kasuak ikertzen ari da.
