Foruzaingoak jakinarazi duenez, gizon bat atxilotu dute Garesen (Nafarroa). Herri horretako dantzaleku bateko komunetan emakume bati sexu eraso bat egitea egozten diote. Poliziak berak erran duenez, zer gertatu den ikertzen ari dira.
Gaur 06:00 aldera, Foruzaingoaren patruila bat Garesko dantzaleku batera joan da, bertako segurtasun langileek hala eskatuta. Poliziak adierazi duenez, gizona atxilotu dute orduan, eta Iruñeko komisariara eraman.
