33 urteko gizon bat atxilotu dute gaur goizaldean Gasteizen, hiriburuko udaltzaingoak jakinarazi duenez. Bikotekide ohiaren etxera sartu, eta harengana ez hurbiltzeko ezarria zioten agindua urratzea egotzi diote.
Udaltzaingoak erran duenez, 01:30ak aldera dei bat jaso dute, gizon batek urruntze agindua urratu duela eta bikotekide ohiaren etxera sartu dela adieraziz. Polizia bertaratu denean, emaztekia eta hainbat lekuko elkarrizketatu dituzte, eta jakin dute gizonak behin baino gehiagotan urratu duela urruntze agindua. Hortaz, haren bila hasi dira, eta inguruko kale batean aurkitu dute, auto baten azpian gordeta; atxilotu egin dute.
