Emakumezkoa da bikotekidea, eta biak bizi diren etxebizitzan izan da erasoa, astelehen arratsaldean. Arabako hiriburuko Udaltzaingoak jakinarazi duenez, emakumezko batek abisu eman zion Poliziari, bere lagun bati eraso egiten ari zitzaizkiola Santa Luzia auzoko etxebizitza batean.
Hara joan ziren udaltzainak, eta atarian topatu zituzten biktima eta Poliziari hots egin zion emakumea. Gertatutakoaren berri eman ostean, atxilo eraman zuten 27 urteko gizonezkoa, biktimaren bikotekidea. Etxean atzeman zuten gizona, eta gaur eraman dute epailearen aurrera.
