Gasteizko Udaltzaingoak 38 urteko gizon bat atxilotu du, bikotekideari eraso egitea leporatuta. Zehazki, eraso fisiko jarraituen delitua egotzi diote, baita adingabeen aurrean mehatxuak eta irainak egin izana ere.
Udaltzaingoak esplikatu duenez, atzo arratsaldean patruila bat joan zen gizona atxilotzera, emaztekiak salaketa jarria zuelako. Gizona han bertan atxilotu zuten.
