Poliziak 61 urteko gizon bat atxilotu zuen atzo Gasteizen, bikotekide ohiarengandik urruntzeko agindua urratzea eta indarkeria matxista leporatuta. Gertaerak 14:30 inguruan izan ziren, Lakua-Arriaga auzoko etxebizitza batean. Udaltzaingoak gizon baten abisua jaso zuen, esanez bikotekide ohia etxeko txirrina jotzen ari zitzaiola etengabe.
Udaltzainak etxebizitara joan ziren, eta gizonezkoarekin eta hainbat lekukorekin hitz egin zuten, bai eta emakumearekin ere. Biktimaren eta lekukoen bertsioak entzun ostean, poliziek egiaztatu ahal izan zuten gizonezkoak berak utzi ziola emakumeari etxean sartzen, eta bertan hiru egunez bahituta eduki zuela eta eraso fisikoak egin zizkiola.
Poliziek gizonezkoa atxilotu zuten, indarkeria matxistagatiko urruntze agindua haustea eta lesio delituak egitea gotzita.
