Gizon bat atxilotu dute, genero indarkeria egotzita

MILAGRO. 36 urteko gizon bat atxilotu zuen igandean Nafarroako Foruzaingoak Milagron (Nafarroa), bikotearen aurkako tratu txarrak leporatuta. Emakumeak berak salatu zuen gertatutakoa, Milagroko udaltzaingoan. Antza, eztabaidan ari zirela, senarrak jo egin zuen. Udaltzainek emakumea erietxera lagundu zuten, eta gertatutakoaren berri eman zioten Foruzaingoari.