Iruñean gizon bat atxilotu du gaur Espainiako Poliziak, hilketa leporatuta. Pasa den abenduaren 30ean Iruñeko Etxabakoiz auzoan hilda agertu zen lagun bat, eta Poliziaren arabera atxilotuak -40 urteko A.G.D. iruindarra- hil zuen.
Abenduaren 30ean larrialdietara egindako dei batek jakinarazi zuen Etxabakoiz auzoko komentu baten gibelean gorpu bat agertu zela. Polizia bertaratu zenean, ez zuten inolako indarkeria zantzurik antzeman: "Kopetan kolpe bat zuela antzeman zitekeen, zirudienez etzanda zegoen zoruaren aurka jota eragindakoa".
Autopsian, ordea, kolpea 22 zentimetroko kaskezur haustura zela ikusi zen. Horren arabera, kolpe horrek eragin zion heriotza eta "bertze pertsona batek eragindakoa" behar zuela ondorioztatu zuten.
Poliziaren arabera, abenduaren 30eko arratsean zenbait lekukok atxilotutako gizona hildakoaren ondoan etzanda ikusi zuten gorpua agertu zen toki berberean.
Atxilotua kartzelaratzeko agindua eman du epaileak.
Gizartea
Gizon bat atxilotu dute Iruñean, hilketa leporatuta
Pasa den abenduaren 30an gorpu bat agertu zen Iruñean, eta atxilotuak hil zuela uste du Espainiako Poliziak.
Iruzkinak
Ez dago iruzkinik
Ordenatu
