Gizon bat atxilotu dute Iruñean, joan den ostiralean Sanduzelai auzoko festetan emakume bati sexu eraso bat egitea egotzita. Iruñeko Udaltzaingoak jakinarazi duenez, 26 urteko gizonak «ukituak» egin zizkion emakumeari, auzoko taberna batean, eta gau hartan bertan atxilotu zuten. Atzo ziren hura epailearen aurrera eramatekoak.
Erasoaren harira, Poliziak presentzia areagotu du eremu horretan. Sanduzelaiko Sare Feministak elkarretaratzea egin zuen atzo, 13:00etan, erasoa salatzeko.
