Gizon bat atxilotu dute Legution (Araba), bikotekidea jipoitzea egotzita. Eusko Jaurlaritzako Segurtasun Sailak eman du horren berri, eta, zehaztu duenez, 39 urteko emakumea ospitalera eraman behar izan dute jasandako zaurien ondorioz.
Ertzaintza goizean bertaratu da bikotea bizi den etxera; iritsi denean, 40 urteko gizona barruan zegoen, eta haren bikotekidea, berriz, atarian, jipoi bat jaso izanaren «zantzu argiak» zituela.
