Tuteran (Nafarroa) gizon bat atxilotu zuten atzo, bikotekidearekiko ezarria zuen urruntze agindua urratzea egotzita. Tuterako Udaltzaingoak gaur jakinarazi duenez, 35 urteko gizona bikotekidearen lanpostura hurbildu zen, hamabost metrora; debekatua du 29 urteko emakumearengandik berrehun metrora baino gutxiagora egotea.
Tuterako Udaltzaingoaren arabera, atxilotua komisarian dago, eta laster da epailearen esku geratzekoa.
