Gaur goizean A-8 autobidean Bilbon Sabino Arana kaleko irteera parean izan den istripuan gizon bat hil da. Espainiarako norabidean izan da ezbeharra, eta beste bi pertsona zauritu. Azken bi horiek Gurutzetako eta Basurtoko ospitaleetara eraman dituzte.
Hildakoa Bilboko udaltzain bat da, 49 urtekoa —Emilio Diego Garcia—. Gaueko lana egin ostean etxera bidean zihoan.
06:00ak inguruan izan da ezbeharra eta horren ondorioz bi erraileetako bi moztuta geratu dira ia lau orduz; Malmasingo tunelera arteko auto ilarak sortu dira. Ertzaintzak Txorierriko autobidea erabiltzea gomendatu du. Gainera, Gipuzkoarako norabidean zihoazen autoak ere moteltzen ari zirelako, norabide horretan ere auto pilaketak izan dira.
Itxura denez, bi autok talka egin dute. Gidariak autoetatik jaitsi dira, eta une horretan beste auto batek harrapatu ditu. Horren ondorioz, bietako bat hil da eta bestea zauritu da.
