Auto batek errepide bazterrean aparkatuta zegoen kamioi bat jo du gaur BI-3334 errepidean, Zornotzan (Bizkaia). Autoaren gidaria, 67 urteko gizon bat, hil egin da. Eusko Jaurlaritzako Segurtasun Sailak zehaztu du istripua 13:55ean izan dela, errepideko 91. kilometroan.
Gizona autoan harrapatuta geratu da, eta bertan hil. Ertzaintzak ikerketa abiatu du istripuaren arrazoiak argitzeko.
