Gizon batek gurasoak sastakatu ditu Bilbon, San Adrian auzoan, eta bere burua leihotik behera botatzeko mehatxua egin du gero, El Correo egunkariaren arabera. Gurasoak ospitalera eraman dituzte, eta ez dute zehaztu haien zaurien larritasuna. Ertzainak eta osasun zerbitzuak daude inguruan. Bilboko Udalak zehaztu du udaltzainek inguruko kaleak moztu dituztela, eta suhiltzaileek puzgarri bat jarri dutela leihoaren azpian, gizonak salto egingo balu bertara erortzeko.
Egunkari horrek zehaztu du gizon horixe dela gaur goizean autoarekin Loiuko aireportuko aparkalekuko laugarren solairutik erori dena. Istripua izan eta gero, autotik atera eta joan egin da.
