Ertzaintzak 27 urteko gizonezko bat atxilotu du gaur goizaldean Donostian, beste gizon bati kristalezko botila batez eraso egin eta aurpegian zauriak eragitea leporatuta.
Erasoa alde zaharrean gertatu da, Eusko Jaurlaritzako Barne Sailak jakitera eman duenez. Enbeltran kaletik zihoan ertzain patruila batek gazte bat ikusi du beste bati kristalezko botila batez aurpegian eraso egiten. "Sudurrean zauri bat zeukan gazte bat aurkitu dute, lurrean botata. Beraz, agenteek anbulantzia bat eskatu dute eta honek biktima Donostiako ospitale batera eraman du; zaurituak oraindik ere, bertan jarraitzen du", dio zabaldutako oharrak.
Ertzainek erasoa kristalezko botila batekin gertatu dela baieztatuta, ustezko erasotzailea atxilotu, eta polizia egoitza batera eraman dute. Lesio delitua egin izana egotzi diote, eta Donostiako Guardiako Epaitegiaren esku utzi dute.
Gizartea
Gizonezko bat atxilotu dute Donostian, beste bati botila batez erasotzeagatik
Erasoa jasan duenak aurpegian zauria duela eraman dute erietxera. Han segitzen du.
Iruzkinak
Ez dago iruzkinik
Ordenatu
