emakumeen kontrako indarkeria
Gizonezko bat atxilotu dute Errenterian, bere emaztea jo duelakoan
39 urteko gizonezko bat atxilotu du gaur Ertzaintzak Errenterian, bere emaztea jo duelakoan. Eusko Jaurlaritzako Herrizaingo Sailaren arabera, bikoteak Nafarroan duen etxean jo zuen gizonezkoak emakumezkoa. Hori esan zion behintzat emakumenzkoak Ertzaintzari, atzo, salaketa jartzera joan zenean.
Emakumea Ertzaintzaren Errenteriako egoitzara joan zen atzo, eta bere bikotekideak jo egin zuela esan zien, Nafarroan duten etxean. Erietxe batean zaindu zuten emakumea, eta gero, senda-agiria eman ziotenean Errenteriara joan ziren, arrazoi pertsonalengatik. Ertzaintzaren egoitzara joan eta salaketa jartzea erabaki zuen emakumezkoak, eta Ertzaintzak komisaldegi kanpoan zegoen gizonezkoa atxilotu zuen.
Iruzkinak
Ez dago iruzkinik
Ordenatu
