Gasteizko Udaltzaingoak 28 urteko gizonezko bat atxilotu zuen atzo arratsaldean, bikotekideari eraso egitea leporatuta. Zehazki, zera leporatzen diote: bikotekidea etxebizitzako hozkailuaren kontra bultzatzea, emakumeari telefono mugikorra kentzea eta hura botatzea, biktima lagun batekin bideodei bat egiten ari zenean. Azaldu dutenez, 18:30ak aldera, udaltzainak El Pilar auzoko etxebizitzara bertaratu ziren, abisu bat jaso ostean. Agenteek ikusi zuten emakumeak aurpegian hematoma bat zuela; hark adierazi zien gizonak emandako bultzadaren ondorioa zela, eta, horrenbestez, udaltzainek gizonezkoa atxilotu zuten.
Hondarribian (Gipuzkoa), berriz, udalak adierazpen instituzional bat argitaratu du, udalerrian oraintsu emandako indarkeria matxista kasu bat «gaitzesteko». Udalak babesa eta elkartasuna adierazi die biktimari eta haren inguruari, eta esanez ez dutela onartuko «emakumeen giza eskubideen inolako urraketarik».
