Genero indarkeria

Gizonezko bat atxilotu dute Gasteizen, emaztea eta haren anaia jipoitzeagatik

26 urteko gizonezko bat atxilotu zuen Ertzaintzak atzo Gasteizen emaztea eta haren anaia, hots, koinatua, jipoitzeagatik. Arratsaldeko 16:00ak aldera jaso zuten SOS Deiak zerbitzuan gertatzen ari zenaren abisua, eta, berehala, patruila bat bidali zuen Ertzaintzak salaketa jaso zuten lekura. 26 urteko O.K., jaiotzez Nigeriakoa, atxilotu zuten han. Emaztea haurdun dago, sei hilabetekoa.

2003ko abenduaren 29a

15:11

Entzun 00:00:00 00:00:00

Abisua eman zuten etxebizitzara joan zirenean, hiru lagun topatu zituzten han ertzainek: sei hilabeteko haurdun zegoen emakume bat, haren anaia, eta emakumezkoaren senarra. Andreak eta haren anaiak azaldu zutenez, emaztea jipoitzen hasi zen hasiera batean senarra, eta anaia hura babesten saiatu zenean, hari ere eraso egin zion. Kolpeak eta ubelduak zituzten emakumezkoak zein haren anaiak gorputzeko zenbait lekutan.

0.K. atxilotu eta ertzainetxera eraman zuten.

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak