emakumeen kontrako indarkeria
Gizonezko bat atxilotu dute Irunen bi emakume erasotzeagatik
Atzo gaueko 20:30ak aldera 24 urtetako gizonezko bat atxilotu zuten Irunen (Gipuzkoa) bi emakume erasotzen saiatu eta gero. Emakumeetako bat erosketa poltsak bere kotxean sartzen ari zela eraso zion Irungo Dunboa auzoan, baina inguruan zegoen jendeak eragotzi zion, eta ondoren atzetik jarraitu zuten. Erasotzailea San Pedro kalean atxilotu zuen Ertzaintzak, herritar batzuk erretenituta zutela. Ertzaintzak beste eraso baten berri izan zuen gero, beste emakume batek salatu baitzuen, etxeko ezkaratzean bere atzetik sartu ondoren eraso zion eta.
Horietako emakume bat bere kotxean erosketa poltsak sartzen ari zela atzetik heldu, ahoa tapatu eta indarrez kotxean sartzen saiatu zen. Ondotik pasatzen ari zen kotxe bat geratu eta bertatik jendea ateratzen zela ikusirik, ihes egin zuen. Hala ere, jendeak atzetik jarraitu eta Ertzaintzari deitu zion. Ertzaintzak San Pedro kalean atxilotu zuen, ordurako jendeak erretenituta zeukan gizonezkoa.
Iruzkinak
Ez dago iruzkinik
Ordenatu
