Gizonezko bat atxilotu dute Tuteran (Nafarroa), emakume bati sexu eraso bat egin diolakoan. Gizonak 32 urte ditu, eta Tuterako Mercadal kalean atzeman dute, bart gauean. Salaketaren arabera, ukituak egin zizkion emakume bati.
Lanetik kanpo zeuden udaltzain bat eta guardia zibil bat han inguruan zeuden, eta erasoaren lekuko izan ziren. Haiek atxiki zuten gizonezkoa foruzainak iritsi bitartean. Atxilotua Foruzaingoaren egoitzara eraman zuten.
Asteburuan beste gizonezko bat atxilotu zuten Garesen (Nafarroa), hura ere sexu eraso bat egin zuelakoan. Biktimak ez du salaketarik jarri, eta Iruñeko guardiako epaitegiak libre utzi du gizonezkoa.
Iruñean, berriz, beste gizonezko bat ikertzen ari dira, sexu jazarpena egin duelakoan. Gizona garraio publikoan zihoan, eta «modu iraingarrian» jokatu zuen gainerako bidaiariekin, Foruzaingoak ohar baten bidez jakinarazi duenez.
