Emakumeen kontrako indarkeria
Gizonezko bat atxilotu dute Zumarragan, bikotekidea kolpatu duelako
37 urteko gizonezko bat atxilotu zuen atzo eguerdian Ertzaintzak Zumarragan (Gipuzkoa), bikotekidea, emakumezko bat, jo zuelako. Taberna batean gertatu zen erasoa, eta Ertzaintza han zela ere emakumea kolpatzen saiatu zen behin eta berriz atxilotua.
Eguerdiko ordubatak eta laurden aldera gertatu zen erasoa: Zumarragako taberna batean eztabaidan hasi zen bikotea, eta gizonezkoak emakumezkoa jotzeari ekin zion. Ertzaintzari abisua eman zioten, eta patruila bat iritsi zen lasterrera. Ertzainak han izan arren, andrea jotzen jarraitzen zuen 37 urteko A.F.T.k, eta eragozten saiatu zirenean, ertzainak ere kolpatu zituen. Emakumezkoak zauri arinak ditu aurpegian.
Iruzkinak
Ez dago iruzkinik
Ordenatu
