Eusko Jaurlaritzako Segurtasun Sailak jakinarazi duenez, gizonezko bat hil da Donostian, Urgulletik Paseo Berrira erorita; gizonezkoa momentuan hil da.
11:00k aldera dei bat jaso dute 112 zenbakian, eta esan diete gizon bat zegoela, zerraldo, Paseo Berrian. Suhiltzaileak eta Ertzaintza bertara joan dira, baina ezin izan dute ezer egin. Ertzaintza zer gertatu den ikertzen ari da.
