Nazio Eztabaidagunea

Gogoeta XXI bilgunea sortu dute, "nazio eraikuntzarako tresna intelektualak sortzeko"

Nazio Eztabaidagunearen baitatik Gogoeta XXI izeneko pentsamendu bilgunea sortu da,hau da, "pentsamendua nazio eraikuntzaren zerbitzura" jarri nahi duen sarea. Abertzaletasunaren eta demokraziaren arteko loturak aztertzea da bilgune horren xede nagusietakoa, eta, halaber, nazioari eta nazionalismoari buruz munduan egiten diren ikerketak jaso eta eztabaidatu nahi ditu. Bilgune autonomoa eta irekia dela nabarmendu dute sortzaileek, eta ez duela inor ordezkatzeko borondaterik.

2005eko otsailaren 24a

19:03

Entzun 00:00:00 00:00:00

Iñaki Soto Gogoeta XXI-en bozeramaileak eta Nazio Eztabaidaguneko Karmele Lopez de Ipiñak aurkeztu dute ekimena, Donostian.

"Gogoeta XXI-ek pentsalari abertzaleen bilgune izan nahi du. Bere barruan abertzaletasunean existitzen diren kontzepzio, eskola eta ideologia desberdinen parte-hartzea bermatuko da. Abertzaletasunari buruz eta Euskal Herriari buruz partaide bakoitzak duen ikuspegia dena dela, errespetuz eta kooperatiboki lan egiteko konpromisoa hartzen dugu", agertu dute, elkarte berriaren oinarriak biltzen dituen dekalogoa azaltzean.

Era berean, alderdi akademikoa eta soziopolitikoa "modu orekatuan" biltzea dutela asmo azpimarratu dute, hartara, "lan akademikoa eta soziala uztartuz" euskal gizartean eragiteko.

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak