Bart goizaldean okertu da panorama: ekaitz handiek eta euri jasa erraldoiek kalte ugari eragin dituzte Nafarroako zenbait lekutan. Miranda Argan, Artaxoan, Vergalijon, Caparroson, Lodosan eta beste hainbat herritan izan dira kalte gehien, eta horietako zenbaitetan suhiltzaileen laguntza behar izan dute.
Miranda Argan, Artaxoan eta Vergalijon, adibidez, uholdeak eragin dituzte euriteek, eta suhiltzaileak gerturatu behar izan dira bertara. Gainera, eurite indartsuen ondorioz, luiziak ere izan dira inguru horietan.
#Inundaciones#Navarra
— Enrique Pérez de Eulate Igal (@ElTiempoNavarra) September 1, 2021
Imágenes que me acaba de mandar @MANUELCHOCARRO en la carretera que va desde #MirandaDeArga a #Falces a la altura de @BodegaINURRIETA
Cantidades de #Lluvia superiores a los 100 litros por metro cuadrado en ran solo 2/3 horas pic.twitter.com/VO4dJxbnbS
Artaxoan, bestalde, urez bete da Guardia Zibilaren kuartela, eta Caparroson ere urez bete da lantoki bat. NA-6100 errepidean ibilgailu bat trabatuta geratu da, eta Lodosako tren geltokitik 100 metrora zegoen tren bat ere hustu egin behar izan dute bidaiaren segurtasuna bermatzeko.
Este vídeo grabado esta mañana en #Caparroso#Navarra nos indica la severidad de las #Tormentas en la zona pic.twitter.com/nrig06IB3G
— Enrique Pérez de Eulate Igal (@ElTiempoNavarra) September 1, 2021
Iragarpena ez da hobetzen
Arratsalderako ere haize bolada indartsuak eta euriteak espero dituzte; hori dela eta, zuhurtasunez jokatzeko eskatu du Nafarroako Udaltzaingoak.
