Gorripidea eta Ezkerretik Bilduz, EH Bilduren alde

EH Bildu koalizioaren alde bozkatzeko eskatu dute Gorripidea eta Ezkerretik Bilduz taldeek, ohar banaren bidez. Boto «kritiko eta aktiboa» eskatu du Ezkerretik Bilduz-ek, koalizio subiranistak «arlo instituzionalean aritzeko beharrezkoa den indar metaketa partzial baina irmoa» lortuko duela iritzita. «Ofentsiban arituko den herri mugimendu baten alde egin behar dugu», gaineratu du, eta esan du egungo egituraketa juridikoa gainditzeko ibilbide orri subiranista eta parte hartzaile bat beharrezkoa dela. Gorripideak taldeak, berriz, adierazi du borroka sozialak isla izan behar duela arlo politiko instituzionalean: «Kalean eta hauteskundeetan batera jo daitekeenean hasten da begiztatzen aldaketa».