'BAtasuna auzia'

Grande-Marlaskak Otegi eta Salaberria auzipetu ditu, ETAko kide izatea egotzita

Espainiako Auzitegi Nazionaleko epaile Fernando Grande-Marlaskak Batasuneko bozeramaile Arnaldo Otegi eta Jon Salaberria auzipetu ditu, ETAko kide izatea leporatuta. Idatzitako autoan, datorren asteazkenean Madrilera joateko agindu dio Otegiri, eta Salaberria bilatzeko eta atxilotzeko agindua berretsi du epaileak. Asteazkenean auzipetze autoaren berri emango dio Otegiri, Espainiako Auzitegi Nazionalean. Auzitegi horretako Fiskala Juan Moralek atzo eskatu zuen bi horien auzipetzea, 153 orriko idatzian.

2005eko ekainaren 2a

16:45

Entzun 00:00:00 00:00:00

Otegi zein Salaberria ETAren ordezkari gisa aritzen zirela pentsatzeko "zantzuak" badirela zioen fiskalak atzo ateratako idatzian, eta horregatik eskatu zion epaileari bi horiek "ETAren ordezkari gisa" auzipetzeko.

Hori guztia argudiatzeko, KAS, Ekin, Xaki, Jarrai, Haika, Segi, Amnistiaren Aldeko Batzordeak zein ezker abertzaleko beste erakunde batzuk "erakunde kriminaleko" zati direla ziurtatu zuen Moralek. AEK ere aipatu zuen.

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak