Euskal presoen senideak Guardia Zibilaren abisuak jasotzen hasi dira telefonoz. Guardia zibilen aurrean lekuko gisara deklaratzera joateko hitzorduak zehaztu dizkiete, datorren asterako eta hurrengorako.
Presoen abokatuek BERRIAri azaldu diotenez, 13 senideren abisuak jaso dituzte orain arte. Gipuzkoarrak dira orain arte deitu dituzten guztiak, eta Intxaurrondora joateko agindu diete. Abokatuen kontrako operazioarekin lotutako neurria da, abokatuen ustez.