Estanis Etxaburu Etxerat-eko ordezkariekin batera, Elortzak, Martinek, Maiak eta Iturriagak eman dute gaur Donostian ekimen horien berri: batetik, larunbaterako manifestazio deialdiarekin bat egin dute; bestetik, igandean Oiartzunen Etxerat-ek antolatutako saioan kantatuko direla iragarri dute, eta bertso saio horretan biltzen den dirua "presoen eskubideen defentsan ari direnentzat" izango dela jakinarazi dute. Zehatz-mehatz, 18:00etan izango da jaiadia, Oiartzungo Elorsoro kiroldegian.
Iturriagak nabarmendu du igandeko saio hori ez dela presoen aldeko ekimen puntual bat, baizik eta dagoeneko urteroko bihurtu den hitzordu bat. Hain justu, urteko "plazarik jendetsuenetako bat" izaten dela azpimarratu du, eta bertsolarientzat "plazer handia" izaten dela Etxerat-ek antolatutako ekimen horretan parte hartzea.
Presoak
Hainbat bertsolarik bat egin dute Ibaetako Foroaren manifestazio deialdiarekin
Euskal preso politikoen eskubideen alde Ibaetako Foroak antolatu duen manifestaziora joateko deia egin dute hainbat bertsolarik; besteak beste, Andoni Egañak, Igor Elortzak, Jon Maiak, Maialen Lujanbiok, Xabier Silveirak, Jon Martinek, Amets Arzallusek eta Unai Iturriagak. Hain zuzen ere, zortzi bertsolari horiek Etxerat-ek antolatuta igandean Oiartzunen (Gipuzkoa) egingo den bertso jaialdian kantatuko dute.
Iruzkinak
Ez dago iruzkinik
Ordenatu
