Eztabaidaren funtsa helburu jakin batekin desbideratzen ari direla uste du Otegik: "eztabaidatu behar dela uste dugun hori ez eztabaidatzea". Batasuneko kideak azaldu duenez, ezker abertzaleak beti izan dituen jarrerak, berriak balira bezala aurkeztu nahi dituztela zenbaitek. "Ezker abertzalea ez da demokraten etiketa jartzeko bide bat egiten ari", azpimarratu du.
Bestalde, Otegiren arabera, amaitu da hitz egiteko garaia. Hau da, Euskal Herriko "alderdi poltiko, gizarte eragile eta sindikatuen" arteko elkarrizketa ez ofizialen garaia amaitu da Otegiren aburuz eta orain "adostasunak lortzen hasteko garaia" dela azpimarratu du. Batasuneko kidearen hitzetan "ez dago aitzakiarik alderdien arteko elkarrizketa ez hasteko". Datozen aste eta hilabeteetan adostasun horiek erdiesteko bidea jorratzen hasteko garaia dela adierazi du.
Politika
Hainbat sektore benetako eztabaida desbideratu nahian dabiltzala dio Otegik
Kataluniako =iAvui=i egunkariariak Arnaldo Otegi Batasuneko kideari egindako elkarrizketa kaleratu zuen atzo. Bertan, Otegik, ezker abertzaleak egindako akats bat aipatzeko eskatuta honakoa aipatu zuen, besteak beste: "besteen mina berdin zitzaigula ulertarazi dugu eta helburuak dena justifikatzen zuela. Akats argia izan da hori ulertaraztea". Adierazpen horietatik Batasunak "damua" duela ulertu dutenek gaizki ulertu dutela azaldu du. Otegik azpimarratu duenez, Batasuna ez da egungo erregimen konstituzional eta estatutarioetara egokitzen ari, zenbaitek iradoki duten bezala. Benetako eztabaida desbideratu nahi izatea egotzi die Espainiako Gobernuari, PSOEri eta Euskal Herriko zenbait sektore politikori.
Iruzkinak
Ez dago iruzkinik
Ordenatu
