Hona hemen, Euskarazko Kazetaritzaren I. Kongresuan atera dituzten 11 ondorioak, puntuz puntu:
=p
@- Euskarazko kazetaritzak aldaketa handia egin du. Oso handia da mundu honek duen berezko indar sortzailea.
@- Garapena nabarmenak ahuleziak garbi uzten ere lagundu du: egoera soziolinguistikoa, merkatu txikia, eskaintza urria...
@- Gizarteak eta Administrazioek inplikazio aktiboagoa zor diote euskal komunitateari. Euskarazko kazetaritzak behar beharrekoa du erakunde publikoen diru-laguntza bidezko, arautu eta garbi bat. Elkarlanak berebiziko garrantzia du: sinergiak sustatu eta garatu behar dira.
@- Kalitateazkoa behar du izan maila guztietan euskarazko komunikazioak.
@- Kazetaritza eredu duin, etiko eta beregaina lortzea da helburua.
@- Publizitatearen sareak sustatu behar dira. Administrazioek publizitatean laguntza asko eman dezakete.
@- Albiste iturriak euskaldundu behar dira.
@- Literatura eta kazetaritza elkar elikatzen dira. Harreman emankor horretan sakondu egin behar da.
@- Euskarazko kazetaritzak aintzakotzat hartu beharko luke kazetaritza espezializatua.
@- Multimedia egitasmoak garatu behar dira. Ahalegin handiak egin badira ere, asko dago hobetzeko.
@- Plangintza estrategiko bat behar da. Foro edo erakunde ireki eta iraunkor bat sortzeko konpromisoa hartu dute.
=p
Euskarazko Kazetaritzaren I. Kongresua
Hamaika ondoriorekin amaitu da Euskarazko Kazetaritzaren I. Kongresua
Gaurkoa azkeneko eguna izan du Euskarazko Kazetaritzaren I. Kongresuak, eta lau egun hauetan ateratako ondorioen berri eman dute. "Euskal komunikazio-esparrua euskaraz gauzatzen dena" dela azpimarratu dute, eta beraz, "izaera propioaren kontzientzia hartzen" ari dela gaineratu. Esan dutenez, euskarazko komunikazioak gero eta zerbitzu osoago eta integralagoa eskaini nahi dio euskal komunitateari.
Iruzkinak
Ez dago iruzkinik
Ordenatu
