Paueko Auzitegiak hamalau urteko espetxe zigorra ezarri dio Donibane Lohizuneko (Lapurdi) 62 urteko gizon bati, bikotekide ohiaren adin txikiko bi alabak bortxatzea egotzita.
Gertakariak 2012. urtean hasi ziren, bikotekide ohiaren etxean, Miarritzen, eta hamar urte iraun zuten. Gizonak erasoak hasi zituenean, biktimetako batek sei urte zituen.
Atzo eman zuten epaiaren berri, bi eguneko epaiketaren ondoren. Auzi saioan, gizonezkoak erasoak egin izana onartu zuen. Akusazioak hamasei urteko kartzela zigorra eskatu zuen. Auzian lau akusazio partikular aurkeztu dira: bi biktimak, haien ama eta beste alde bat. Instrukzio osoa Baionako epaitegian egin zen.
