Hamar eguneko epean alegazioak aurkezteko eskatu die Espainiako Auzitegi Konstituzionalak Madrili zein Gasteizi

Espainiako Gobernuak Ibarretxeren Planaren aurka jarritako bi helegiteak aintzat hartu edo ez erabaki ezinean dabil Auzitegi Konstituzionala: Madrilgo Gobernuari zein Eusko Jaurlaritzari eta Eusko Legebiltzarrari hamar eguneko epean beren alegazioak aurkezteko eskatu die erabakia hartzeko oinarri gehiago izatearren. Iturri batzuen arabera, "forma akatsak" atzeman ditu Konstituzionalak Espainiako Gobernuaren helegiteetan. Beste iturri batzuk zabaldu dutenez, berriz, Konstituzionaleko hamabi magistratuak ez dira erabakiaren inguruan ados jartzen.