Ertzaintzak hamar lagun atxilotu ditu azken orduetan Lasarte-Orian, Villabonan, Errenterian eta Zizurkilen (Gipuzkoa), lapurreta egin dutelakoan.
Eusko Jaurlaritzako Herrizaingo sailetik jakinarazi dute ustezko lehen lapurreta 02:00etan izan dela, Lasarte-Orian. Bulegoak eta apartamentuak dituen eraikin batean lau lagun atzeman ditu oinezko batek, eta eraikinetik gertu zegoen furgoneta baten ondoan atxilotu dituzte. Furgonetaren barruan hainbat material aurki du Ertzaintzak, eta eraikineko bi ate behartuta zeudela frogatu du.
04:00ak aldera izan da ustezko bigarren lapurreta, Villabonan. Lokal baten barruan hiru lagun atzeman dituzte, eta Ertzaintzak baieztatu du atxilotutakoek lapurtutako materiala zutela. Ordu berean atxilotu dute Errenterian 40 urteko emakume bat, Morrongilleta kalean zegoen furgoneta batean lapurreta egin duelakoan.
