2015 eta 2020 bitartean bikotekidearen alaba adingabea bortxatu izanagatik hamasei urteko kartzela zigorrera kondenatu dute 49 urteko gizon bat. Lehenik Arrangoitzen eta gero Angelun (Lapurdi), gizonak bikotearen bizitokietan eraso zion neskatxoari, ama kanpoan izateaz baliaturik.
Erasoak hasi zirelarik, 8 urte zituen biktimak, eta, honakoengatik kondenatu dute erasotzailea: baldintza larrigarritan gertatutako bortxaketak, eta alabaordea bortxatzen eta sexualki ukitzen saiatu izana, baita bere bi ilobak ere.
Atzo iragan zen auziaren bigarren eguna, Paueko auzitegian (Okzitania), eta, abokatu orokorrak hogei urteko kartzela zigorra galdegin bazuen ere, azkenean, hamasei urtekoa jarri diote erasotzaileari. Hamar egun ditu orain erabakiaz dei egiteko.
