Gaur arratsaldean ekin diote berriro Angel Berrueta okinaren hilketaren inguruko epaiketari Nafarroako Lurralde Auziegian. 17 lekuko dira gaur deklaratzekoak, eta haietatik 10 Espainiako Poliziako kideak dira.
Berrueta iazko martxoaren 13an hil zuten. Akusatuek atzo agertu zutenez, aurrena Rubio jaitsi zen Berruetaren dendara, eta ETA ez jartzen zuen afixa jartzeko esan zion —Madrilgo martxoaren 11ko atentuetatik bi egunetara zen…. Okinak uko egin zion. Orduan, oihuka igo zen etxera, eta semea eta senarra jaitsi ziren denda. Semeak aihotza sartu ziola aitortu zuen eta aitak tiro egin ziola. Rubiok, ostera, gertakari horiek eta gero jaitsi zela berriro dendara esan zuen, eta, ondorioz, ez zuela ezer ikusi.
Gaur lekukoek deklaratu behar dute. Guztira 17 dira, eta haietatik 10 Espainiako Poliziako kideak.
'Berrueta auzia'
Hamazazpi lekukok deklaratu behar dute gaur; hamar Espainiako Poliziak dira
Hiru akusatuek —Valeriano de la Peña Espainiako Poliziako kideak, haren emazte Pilar Rubiok eta bien seme Miguel Jose de la Peñak— deklaratu zuten atzo Angel Berruetako okin iruindarraren hilketaren epaiketan. Okina hil zutela aitortu zuten aita-semeek; Rubiok, berriz, ez zuela deus ikusi eta okindegira gertakarien ondoren iritsi zela esan zuen. Lekukoen deklarazioarekin ekin diote gaur berriro epaiketari: 17 lekuko dira guztira, eta haietatik 10 Espainiako Poliziako kideak.
Iruzkinak
Ez dago iruzkinik
Ordenatu
