Kultura

Haritxelharri eman diote 2004ko Manuel Lekuona saria

Jean Haritxelhar Euskaltzaindiako lehendakariari eman diote 2004ko Manuel Lekuona saria. Eusko Ikaskuntzak ematen du sari hori, euskal kulturaren alde egindako lana onartzeko. Haritxelhar idazlea eta hizkuntzalaria da. Tolosako (Frantzia) Unibertsitatean eta Sorbonan (Frantzia) ikasi eta Bordeleko (Frantzia) Unibertsitatean gaztelania, euskara eta euskal literaturako irakaslea izan da.

2004ko urriaren 18a

15:14

Entzun 00:00:00 00:00:00

Baigorrin jaio zen Haritxelhar 1923an.

Baigorriko alkate eta Baionako Euskal Museoko zuzendaria izateaz gain, Eusko Jaurlaritzako Euskararen Aholku-Batzordeko kontseilari izendatu zuten 1982an.

Etxahun olerkariari buruzko tesiarekin doktoratu zen.

Hitzaldi anitz prestatu eta euskal aldizkari anitzetan parte hartu du, batik bat Herrian.

Euskaltzain osoa da 1962az geroztik; urte askoan euskaltzainburuorde izan ondoren, 1988an euskaltzainburu hautatu zuten. EIZIEko ohorezko kidea da 1996az geroztik.

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak