Haur pornografia sustatzea leporatuta, lau lagun atxilotu dituzte

Nafarroan pertsona bat eta Gipuzkoan hiru atxilotu ditu Espainiako Poliziak, haur pornografia edukitzea eta zabaltzea egotzita. Espainian, Galizian eta Herrialde Katalanetan ere egin ditu ikerketak Poliziak. Guztira, 80 etxebizitza miatu eta 60 lagun atxilotu dituzte. Horiez gain, beste 25 lagun ere inputatu dituzte; haietatik zortzi emakumeak direla nabarmendu du Poliziak. Miaketetan 180 disko gogor, 28 ordenagailu, eta 1.500 CD eta DVD inguru atzeman dituela adierazi du Poliziak, guztiak ere irudi pedofiloekin. Zenbait herritarrek salatu zioten Poliziari Interneten bazirela bideo horiek, eta horrela abiatu zen ikerketa.